Fundatzaileetako baten etxekoak
26 / 12 / 2018
1930ean, Jose Antonio Seguik eta Ignacio Goikoetxeak Arte SL beira-enpresa fundatu zuten, Donostian. Enpresak iraun zuen sei urteko tartean oso kalitate handiko lanak egin zituzten: kolore sakonak, marrazki dotore eta zehatzak, eta beruneztatze meheak. Honako hauek Seguí jaunaren etxekoak ziren. Motiboak art déco delakoaren araberakoak dira: mito klasikoak, itsas gaiak, landareak, jostariak haurren geletakoetan... bai eta data ere: 1935.
Segui eta Ruiz ezkontideen ondorengoek dohaintzan eman dute aparteko multzo hau.
