Euskadi Irratian
20 / 01 / 2022
Astelehenean, hilak 17, 16:30ean Euskadi Irratiko "Baipasa" irratsaiotik deitu eta Itziar Alduntzin esatariak ezusteko ondarerik ba ote dagoen galdetu zigun. Erantzuna: baietz, badagoela. Hainbat adibide jar liteke, eta honako hauek aipatu: batetik, Oñatiko Artxiboan aurkitutakoa, XVI. mende hasierako kopia-liburu bateko ertzetan idatzitako euskal poema, Gordailuan izpi ultramorez argazkiak eginda; bestetik, Elgoibarko baserri batean teilatupeko laten artean aurkitutako baioneta karlista. Halako aurkikuntzen kasuan kontserbazio-zentroetara jotzeko garrantziaz ohartarazi genuen.
