Irungo "Menchu Gal" erakustaretoan
14 / 10 / 2019
Ostiralean, urriak 11, zabaldu da Irungo "Menchu Gal" erakustaretoan "Menchu Gal: margotzeko bizi, bizitzen margotu 1919-2019" erakusketa, irundar margolariaren jaiotzaren mendeurrena dela-eta lehenik Donostiako Koldo Mitxelena Kulturuneko Ganbara aretoan erakutsi eta orain artistaren jaioterrira eramana. Hortaz, berriro ere badago ikusgai Aldundiak irundar artistarenak dituen margoen artetik hartara aukeratutakorik, 2020ko urtarrilaren 19ra arte.
