Gordailuak bere webgune berria aurkezten du. Gipuzkoako kultur ondarearekiko interesa duen orori zuzendua dago, espezialistei nahiz publiko orokorrari. Izan ere, bertan egiten diren lanak agertzeaz gain, oro har ondarea jendearengana hurbiltzea du xede. Hartara, etengabe gaurkotuko da, albisteekin, azken dohaintza eta zaharberritzeekin, pieza nabarmenekin, eta abarrekin.
Baliabide arin, praktiko, elkarreragile eta dibulgatiboa izan nahi du, erabiltzen erraza. Artea, Etnografia, Arkeologia, Paleontologia… bertako bildumetatik abiatuta, Gipuzkoako ondarea ezagutzeko eta haren balioa agertaratzeko tresna bat da, azken finean.
Web orrian online katalogo bat ere badago eta bertan Gipuzkoako Foru Aldundiko ondare bilduma zati bat kontsulta daiteke. Egun 1700 bat pieza sartu dira, baina aldiro-aldiro fitxa berriekin osatuko da.
