Burgosko Giza Eboluzioaren Museotik dator
2018 / 11 / 08
Oñatiko Arrikrutzen aurkitutako haitzuloetako lehoiaren hezurdura aparta da, nekez topatzen delako hain osorik dagoen alerik. Burgosko Museo de la Evolución Humanak, Donostiako San Telmo Museoak eta Gipuzkoako Foru Aldundiak elkarlanean antolatutako erakusketari esker, publiko orokorrak goza dezake; hain zuzen, orain gipuzkoarrek: Burgosko erakustaldia bukatu eta datorren asteazkenean, azaroak 14, San Telmon jarriko da ikusgai. Gordailuko teknikariek Burgosen desmontatu eta orain San Telmon muntaketan ari dira.
