Second Canvas plataforma digitalean Untzi Museoko erakusketa birtuala jarriko da
2018 / 06 / 07
Madpixel enpresako argazkilari bat Gordailua etorri da Untzi Museoaren hamaika artelani argazkiak egitera. Oso-oso bereizmen handiko argazkiak dira, xehetasun guztiak biltzen dituztenak. Izan ere, Second Canvas plataforma digitalean erakusketa birtual bat osatzeko egin dira. Proiektu multimedia horren ezaugarrietako bat horixe da, xehetasun osoz erakusten dituela argazkiak. Beste ezaugarri nagusia da euskarri mugikorretan nabigatuz ikus daitezkeela erakusketa hauek, tablet eta sakelako telefonoetan, hain zuzen ere.
Honako hau Gipuzkoako Foru Aldundiaren bigarren erakusketa birtuala izango da Second Canvas plataformaren bidez gauzatua, Ekainberri ere proiektu honen partaide da eta.
