2023an Gordailuak jarraitzen du bisita gidatu presentzialak eskaintzen.
Publiko orokorrarentzako bisita gidatuak dira, doan, bisitariek bertatik bertara ezagut dezaten nola biltzen eta zaintzen diren ondare-bildumak gure instalazioetan. Gordailua oso handia denez, ezin dena bisita bakar batean ezagutu. Horregatik, bisita bakoitzean bisitariek aukeratu ahal izango dute zeri erreparatu bereziki bisitan barrena.
Bisitaldi orokorrak hilero izaten dira, gehienetan hileko azken ostiralean, 17:00etan gaztelaniaz eta 18:15ean euskaraz. Antolatutako taldeentzat ere bisitak eskaintzen dira: ikasleak, kultur elkarteak, euskaltegiak... Frantsesez eta ingelesez ere bai, aldez aurretik osatutako talde batek berariaz eskatzen baldin badu. Talde espezifikoetarako bisiten eguna eta ordua talde bakoitzaren eta Gordailuaren artean adostuta finkatzen dira, publiko orokorrarentzako bisitetatik at.
Bisitetan beti aldez aurretik izena eman behar da: gordailua@gipuzkoa.eus helbidera idatzita edo 943 555 520 telefonora deituta.
Izena eman ondoren edozergatik etortzerik ez baduzu edo berandu bazabiltz, mesedez, lehenbailehen jakinarazi goian adierazitako telefonora deituta.
| Data | Gaia |
|---|---|
| Abenduak 15 | Bisita orokorra |